Прафарыентацыя ў Смалявіцкім раёне

         22 лістапада 2024 года намеснік дырэктара па выхаваўчай рабоце ўстановы адукацыі «Ільянскі дзяржаўны аграрны каледж» Людміла Мікалаеўна Мікуліч і педагог сацыяльны Таццяна Іванаўна Буслаўская наведалі ДУА «Прылепская сярэдняя школа», ДУА «Азярыцкаслабадская сярэдняя школа» Смалявіцкага раёна Мінскай вобласці.

      Педагогі расказалі навучэнцам дзявятых і дзясятых класаў аб спецыяльнасцях «Ветэрынарная медыцына» і «Вытворчасць прадукцыі жывёльнага паходжання», падрыхтоўка па якіх праводзіцца ў каледжы, аб умовах пражывання ў інтэрнаце і выплаце стыпендый, аб перавагах навучання на аснове мэтавай падрыхтоўкі спецыяліста.

            Усе будучыя абітурыенты атрымалі адказы на свае пытанні, а таксама буклеты пра каледж.

            Ільянскі дзяржаўны аграрны каледж – месца, дзе кожны пачынае свой шлях да поспеху!