Прафарыентацыя ў Маладзечне

         17 мая 2024 года намеснік дырэктара па выхаваўчай рабоце ўстановы адукацыі «Ільянскі дзяржаўны аграрны каледж» Людміла Мікалаеўна Мікуліч, выкладчык спецыяльных вучэбных прадметаў Ала Міхайлаўна Кучко і педагог сацыяльны Таццяна Іванаўна Буслаўская наведалі ДУА «Маладзечанская сярэдняя школа № 4», ДУА «Сярэдняя школа № 8 г. Маладзечна», ДУА «Гімназія № 10 г. Маладзечна».

      Педагогі расказалі навучэнцам дзявятых і дзясятых класаў аб спецыяльнасцях «Ветэрынарная медыцына» і «Вытворчасць прадукцыі жывёльнага паходжання», падрыхтоўка па якіх праводзіцца ў каледжы, аб умовах пражывання ў інтэрнаце і выплаце стыпендый, аб перавагах навучання на аснове мэтавай падрыхтоўкі спецыяліста.

            Усе будучыя абітурыенты атрымалі адказы на свае пытанні, а таксама буклеты пра каледж.

            Ільянскі дзяржаўны аграрны каледж – месца, дзе кожны пачынае свой шлях да поспеху!