«Вясеннія забавы» у Слуцку-2024

18 мая 2024 года дэлегацыя ўстановы адукацыі «Ільянскі дзяржаўны аграрны каледж» у складзе: дырэктар  Галіна Пятроўна Вашынка, намеснік дырэктара па выхаваўчай рабоце Людміла Мікалаеўна Мікуліч, педагог дадатковай адукацыі Жанна Леанідаўна Кавалёва і кіраўнік па ваенна-патрыятычным выхаванні Антон Сяргеевіч Мосур прынялі ўдзел ў абласной выставе-кірмашы «Вясеннія забавы» у горадзе Слуцку.

На мерапрыемстве былі прадстаўлены інтэрактыўныя пляцоўкі ўстаноў адукацыі, прадукцыя навучэнцкіх бізнес-кампаній Мінскай вобласці.

На пляцоўцы «Сувенір з Міншчыны» асобым каларытам вызначалася лакацыя Ільянскага дзяржаўнага каледжа, наведвальнікі і госці якой атрымалі выдатную магчымасць пазнаёміцца з выставай сувеніраў, вырабленых педагогамі і навучэнцамі, паўдзельнічаць ў майстар-класе – зрабіць цікавы памятны падарунак.

На выставе-кірмашы «Вясеннія забавы» былі адзначаны лепшыя педагогі, калектывы ўстаноў адукацыі Мінскай вобласці, якія на працягу года праявілі актыўнасць у выставачнай і канцэртнай дзейнасці, сталі пераможцамі абласных і рэспубліканскіх конкурсаў.

Ганаровай граматай галоўнага ўпраўлення па адукацыі Мінскага абласнога выканаўчага камітэта за асабісты ўклад і сістэмную работу па развіцці творчых здольнасцей навучэнцаў, падтрымку маладзёжных ініцыятыў узнагароджана дырэктар установы адукацыі «Ільянскі дзяржаўны аграрны каледж» Галіна Пятроўна Вашынка.