Падарожжа ў спецыяльнасць

4 студзеня 2021 года навучэнцы 203 вучэбнай групы ветэрынарнага аддзялення з экскурсіяй наведалі музейны пакой «Падарожжа ў спецыяльнасць», размешчаны  на трэцім паверсе галоўнага корпуса.

Правялі экскурсію для будучых ветэрынараў супрацоўнікі УА “Ільянскі дзяржаўны аграрны каледж”.

Мэтай мерапрыемства стала паглыбленне навучэнцаў другога курса ў атмасферу прафесіі фельчара ветэрынарнай медыцыны, найбольш запатрабаванай у сучасным аграпрамысловым комплексе.

Удзельнікі экскурсіі пазнаёміліся з інструментамі і прыборамі па ветэрынарыі, якія выкарыстоўваліся раней і цяпер з'яўляюцца музейнымі экспанатамі.Таксама прысутныя мелі магчымасць  на прыкладзе дэманструемых макрапрэпаратаў дэталёва разгледзець, як працякаюць тыя ці іншыя паталагічныя працэсы ў арганізмах жывёл.

Шматлікія пытанні, зададзеныя навучэнцамі падчас экскурсіі, іх увага да атрыманай інфармацыі  сталі яскравым пацвярджэннем таго,  што гэтыя маладыя людзі  свой жыццёвы выбар зрабілі свядома і праз пэўны час стануць добрымі спецыялістамі, сапраўднымі прафесіяналамі сваёй справы.